Уфара Владимир Путинпа Радий Хабировăн ĕçлĕ тӗлпулӑвӗ иртнӗ

Тӗлпулу Раҫҫей Президенчӗн Уфари ӗҫлӗ ҫулне вӗҫленӗ.

"Владимир Владимирович Путина республика аталанӑвӗ ҫинчен тата пӗтӗм ҫӗршывпа пӗрле татса паракан задачӑсем ҫинчен каласа патăм. Тӗп приоритет — ятарлӑ ҫар операцине пулӑшасси, пирӗн боецсене передовойра пулӑшасси, вӗсен ҫемйисемшӗн тӑрӑшасси. Пирӗн пӗтӗм ӗҫ ҫакӑнпа çыхăннă. Пушкӑртстан воинĕсем, пирӗн асаттесем пекех, тӑшмана хирӗҫ паттӑррӑн ҫапӑҫаҫҫӗ, чӑн-чӑн паттӑрла ӗҫсем тӑваҫҫӗ. Республикӑра 11 Раҫҫей Геройӗ. Тӗп задача — аманнӑ боецсене реабилитацилесси, вӗсене гражданла йӗркеллӗ пурнӑҫа тавӑрасси. Ҫавӑнпа эпир вӗсене спорта явӑҫтаратпӑр, патриотла шухӑш-кӑмӑллӑ çынсен опычӗ патшалӑх, муниципалитет службинче те, вырӑнти хӑй тытӑмлӑх органӗсенче те кирлӗ пулӗ. 35 ветеран республикӑра суйлав иртсе тӗрлӗ шайри депутатсем пулса тӑнӑ", - пӗлтернӗ хӑйӗн страницинче регион ертӳҫи.

Кунсӑр пуҫне Радий Хабиров президента экономикӑри, промышленноҫри, ял хуҫалӑхӗнчи лайӑх динамика ҫинчен, пӗтӗм тӗнчери тӗп партнерсемпе — Беларуçпа, Узбекистанпа, Казахстанпа, КНРпа ӗҫлени ҫинчен пӗлтернӗ.

"Пушкӑртстан Раҫҫей правительствинчен пулӑшу паракан пӗтӗм инструментарипе хастар усӑ курать. Пирӗн хӑвӑрт аталанакан территорисем, уйрӑм экономика, индустри тата технопарксем тухӑҫлӑ ӗҫлеҫҫӗ. Владимир Владимирович ытларах тимлемелли ҫул-йӗрсене палӑртрӗ. Вӑл шутра васкавлӑ пулӑшу кадрӗсем. Ӗҫлӗпӗр, лартнӑ задачӑсене пурне те пурнӑҫлӑпӑр. Пушкӑртстан кирек хӑҫан та Раҫҫейӗн шанчӑклӑ, тӗреклӗ регионӗ пулнӑ. Яланах ҫапла пулать", - тенӗ Радий Хабиров.

 

Сӑнӳкерчӗкĕ: ПР Пуҫлӑхӗн сайтӗнчен.