Ачасем хӑйсен ашшӗсем çинчен ырӑ та ачаш сӑмахсем аса илнĕ

Раҫҫейре Атте кунне уявлас умӗн Пишпÿлекри «Умка» ача садĕнче ҫак уява халалланӑ мероприятисем иртнĕ. Кашни ир гимнастикӑран аттесемпе пуҫланнă, "Атте — мӑнаҫлӑ янӑрать", "Ман атте пуринчен те лайӑхрах" темăпа калаҫусем ирттернĕ. Ҫавӑн пекех аттепе тӗлпулу иртнĕ, унта вӑл хӑйӗн "Полицейски" профессийӗ ҫинчен каласа панӑ. Эрне тăршшĕнче ачасем хӑйсен ашшӗсем тӗлӗшпе ырӑ та ачаш сӑмахсем аса илнĕ, юмах тупсӑмĕсене тупнă, воспитателӗсемпе пӗрле стена хаҫачӗ, хӑйсен ашшӗсем валли парнесем хатӗрленĕ. Аттесене пурне те Атте кунӗ ячӗпе саламлатпӑр, хăвӑр ачăрсемшӗн тӗслӗх пулса, пурнӑҫ тӑрӑх хӑюллӑ та шанчӑклӑ утма сунатпӑр!

Сăнÿкерчĕкĕсем: Пишпÿлекри «Умка" ача сачĕн социаллă сетьри страницинчен.

https://vk.com/public217412282