Пишпÿлекре Призывник кунне паллӑ тунă

Пишпÿлекре яш-кӗрӗмсене Раҫҫей Хӗҫпӑшаллӑ вӑйӗсен ретне ӑсатмалли мероприятии — Призывник кунне паллӑ тунă. Призыв кампанийӗ вӑхӑтӗнче иртекен ҫак кун тӑван килтен тухса каякан тата хӑйсен ҫар ҫулне пуҫлакан ачасене вӑй-халпа шанчӑклӑх пама тивӗҫ. Тӑван çӗршыв хӳтӗлевçисен паркӗнче мероприяти вӑхӑтӗнче тӗрлӗ ҫулсенче ҫар тивӗҫне пурнӑҫланӑ чухне пуçне хунă ентешсен мемориал плитисем патне чечексем хунă. Ҫавӑн пекех Ҫӗнтерӳ паркӗнче призывниксем Тӑван çӗршывӑн Аслӑ вӑрҫи ҫулӗсенче ҫӗршыва хӳтӗлеме тухнӑ хамӑр ентешсене пӗр минут хушши чӗнмесӗр тӑрса чысланă. Ҫакӑн хыҫҫӑн Культура керменне куҫнӑ, унта кунӑн чаплӑ пайӗ иртнӗ. Сывлӑх сунса призывниксене район администраци пуҫлӑхӗн ҫумӗ Алексей Данилов тата районти ҫар комиссарӗн тивĕçĕсене пурнăçлакан Ильгиз Нагимов сӑмах каланă. Ачасене тивӗҫлипе служит тума сувенирсем панӑ. Ҫавӑн пекех ҫӑмӑл служба сунса призывниксене СВО ветеранĕ Ильдар Валеевпа пулас салтакӑн амӑшӗ Ольга Бурангулова сăмах каланă. Хӑйсен сӑмахӗнче каччăсем ҫитес тӗрӗслевсене чыслӑ та тивӗҫлӗ ирттерме сӑмах панă.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz