Путин Курск облаҫӗнчи клиника больницин коллективне Пирогов орденӗпе чысланӑ

 

#владимирпутин

Раҫҫей Президенчӗ Владимир Путин Курск облаҫӗнчи клиника больницин коллективне Пирогов орденӗпе чысланӑ. Тивӗҫлӗ указа юпа уйӑхӗн 22-мӗшӗнче право информацийӗн официаллӑ интернет-порталӗнче пичетленӗ.

«Сывлӑх сыхлавӗнчи тава тивӗҫлӗ ӗҫсемшӗн тата нумай ҫул тӳрӗ кӑмӑлпа ӗҫленӗшӗн наградӑламалла <...> Пирогов орденӗпе «Курск облаҫӗнчи нумай профильлӗ клиника больници» облаҫри сывлӑх сыхлавӗн бюджет учрежденийӗн коллективне», — тенӗ документра.

Ҫакӑнсӑр пуҫне патшалӑх пуҫлӑхӗ «Гематологин Наци медицина тӗпчев центрӗ» федераллӑ патшалӑх бюджет учрежденийӗн коллективне Пирогов орденӗпе наградӑланӑ.