Пирӗн вӑхӑтри паттӑрпа тӗл пулни

Пишпÿлекри 1-мĕш вăтам шкулти вунпӗрмӗш класс ачисем МЧС ӗҫӗпе паллашнă.

Профориентаци ӗҫӗ шайӗнче 11-мӗш класра вӗренекенсемшӗн чи паттӑр та яваплӑ профессисенчен пӗрин представителӗпе - Раҫҫей МЧСĕн ӗҫченӗпе - тӗлпулу иртнӗ. Ҫак тӗлпулӑвӑн тӗллевӗ професси ҫинчен каласа парасси ҫеҫ мар, пулас абитуриентсене хӑйсен пурнӑҫ ҫулне суйласа илме пулӑшасси те пулнӑ.

Тӗлпулӑва Пишпÿлек районӗнчи МЧС инспекторӗ И.З. Тухбатуллин ирттернӗ. Вӑл хӑйӗн калавне чи кирлинчен пуҫланă: МЧСра ӗҫлени ахаль служба кӑна мар, вӑл — призвани. Ку вӑл кирек хӑш самантра та хӑвăн пурнӑҫна шеллемесӗр пулӑшма хатӗр пулни.

Калаҫу вӑхӑтӗнче аслӑ классенче вӗренекенсем пӗлтерӗшлӗ те интереслӗ япаласем нумай пӗлнĕ.

МЧСра ӗҫлеме ӑҫта вӗренме кӗме май пурри ҫине уйрӑмах тимлӗх уйӑрнă. Раҫҫей МЧСĕн ертсе пыракан аслӑ шкулӗсене асӑннӑ. Спикер пуҫламӑш тӗрӗслевсем, ӳт-пӳ тата психологи нормативӗсем ҫинчен тӗплӗн каласа панă, вӗсене халех ӗнтӗ тимлемелле.

Вунпӗрмӗш класра вӗренекен чылай ҫыншӑн ҫак тӗлпулу хӑйӗн пурнӑҫне службӑпа ҫыхӑнтарасси пирки чӑнласах шухӑшлама сӑлтав пулнă, унӑн тӗп тӗллевӗ — ҫӑласси тата хӳтӗлесси.

Шкул ертӳлӗхӗпе выпускниксем И.З. Тухбатуллина ҫамрӑксене профессилле навигаци енӗпе интереслӗ, пӗлӳ паракан тӗлпулушӑн тата пысӑк пӗлтерӗшлӗ ӗҫшӗн тав тӑваҫҫӗ.

#ДвижениеПервых

#ПервичкаПервых

 

Сăнÿкерчĕкĕсем: Пишпÿлекри 1-мĕш вăтам шкулăн социаллă сетьри страницинчен.