Пишпÿлекре Паллӑ мар салтак кунӗнче митинг иртнӗ

Пишпÿлекре Паллӑ мар салтак кунӗнче Тӑван ҫӗршывӑн аслӑ вӑрҫи ҫулӗсенче пуҫне хунисене халалланă палӑк умне чечексем хунă.
— Паянхи мероприяти тӑван ҫӗршывшӑн пуҫне хунисенчен никама та манмасса тӗллев лартнӑ, - палӑртнă район администраци пуҫлӑхӗ Артур Зарипов.
Унӑн сӑмахӗсем, паллӑ мар салтаксен паттӑрлӑхӗ нихӑҫан та манӑҫмассине тепӗр хут ҫирӗплетсе, хутшăнакансен чӗрисенче янӑранă.
Ҫак кун Пишпÿлек ҫыннисем мемориал умне ячӗсем паллӑ мар юлнисене, анчах паттӑрлӑхӗ ҫӗршыв историне ӗмӗрлӗхех ҫырӑнса юлнисене чыслама пухӑннă. Пӗр минут шӑп тӑнипе пухӑннисем ҫапӑҫу хирӗнче пуҫ хунӑ паттӑрсене хисеп тунă.
Район администрацийӗн представителӗсем, шкул ачисем тата общество организацийӗсен представителӗсем палӑк умне хурлӑхпа тав тунине пӗлтерекен хӗрлӗ гвоздикăсем хунă. Нумайӑшӗн куҫӗсенче вӑрҫӑ вӑхӑтӗнчи хӑрушӑ ҫулсене тата киле таврӑнманнисене аса илтерсе куҫҫуль тумламӗсем тӑнă.
Паллӑ мар салтак кунӗ календарьти дата кӑна мар, вӑл историлле астӑвӑма упрамалли пӗлтерӗшлине, пуҫ тӑрринчи мирлӗ тӳпешӗн пурнӑҫне панӑ кашни ҫыннӑн паттӑрлӑхне хисеплемеллине аса илтерет. Вӑрҫӑ хирӗнче ӗмӗрлӗхе юлнисене, ячӗсене ҫаплах палӑртманнисене, анчах паттӑрлӑхӗ пирӗн чӗресенче ӗмӗрлӗхе юлнисене аса илмелли кун вӑл.

Галина ВАРИКОВА.

Сӑнӳкерчӗкӗсем: Галина Варикова.