РФ физкультура мероприятийӗсенче Раҫҫей ялавне ҫӗклессине саккунпа ҫирӗплетнĕ

#владимирпутин
Раҫҫей Президенчӗ Владимир Путин официаллӑ физкультура мероприятийӗсенче тата спорт пулӑмӗсенче Раҫҫей ялавне ҫӗклемеллине саккунпа ҫирӗплетме хушнӑ. Декабрĕн 23-мӗшӗнче тивӗҫлӗ хушу Кремлӗн официаллӑ сайтӗнче пичетленнӗ.
«Раҫҫей Федерацийӗн саккунӗсене улшӑнусем кӗртессине тивӗҫтерсе <...> официаллӑ физкультура мероприятийӗсем тата спорт ӑмӑртӑвӗсем ирттернӗ вӑхӑтра Раҫҫей Федерацийӗн Патшалӑх ялавне ҫӗклессине (вырнаҫтарассине) çирĕплетмелле», — тенӗ документ текстӗнче.
Унсӑр пуҫне Раҫҫей лидерӗ Раҫҫей ялавне патшалӑх е муниципалитет харпӑрлӑхӗнчи спорт объекчӗсем ҫинче яланлӑхах вырнаҫтарма хушнӑ.
Сăнÿкерчĕкĕ: ТАСС/Валерий Шарифулин.
https://iz.ru/2014736/2025-12-24/v-rf-zakonodatelno-zakrepiat-podniatie-flaga-rossii-na-fizkulturnykh-meropriiatiiakh