Шкул ачисем интереслĕ мероприятие хутшăннă

Хушăлкари вăтам шкулта вĕренекенсем Раҫҫей халӑхӗсен пӗрлӗхӗн çулталӑкне тата Пысӑк та туслӑ ҫемье çулталӑкне уҫнӑ мероприятие хутшӑннӑ. Ялти Культура çурчĕн «Рябинушка» коллективӗн ертӳҫи Л.П. Новикова Пушкӑртстан Республикин территорийӗнче пурӑнакан халӑхсен наци тумӗсем ҫинчен каласа панă. Ачасем викторина ыйтӑвӗсене туслӑ хуравланă, ҫавӑн пекех халӑх музыка инструменчӗсемпе паллашнă. Мероприяти вӗҫĕнче хутшӑнакансем валли икерчӗ, баурсак, чак-чак тата вареникпа чей ӗҫесси йӗркеленĕ. Пысӑк тав интереслӗ мероприятишӗн!

Сӑнӳкерчӗкĕсем: Хушăлкари вăтам шкулăн социаллă сетьри страницинчен.
https://vk.com/public202011028