Шкулта Тӑван ҫӗршыв хӳтӗлевҫин кунне халалласа стройпа юрӑ смотрӗ иртнӗ

Михайловкăри вăтам шкулта Тӑван ҫӗршыв хӳтӗлевҫин кунне халалласа стройпа юрӑ смотрӗ иртнӗ.

Мероприятинче сумлӑ хӑнасем пулнă: Афганистанри ҫапӑҫусен ветеранӗ Виктор Николаевич Николаев тата хӗҫ-пӑшаллӑ вӑйсен службин ветеранӗ Юрий Николаевич Николаев.

Вӗсем ачасене хӑйсен ҫӗршывӗн шанчӑклӑ хӳтӗлевҫисем пулма, сывлӑх, ҫирӗп туслӑх, пӗр-пӗрне пулӑшса пыма тата пур ырӑ ӗҫсенче те ӑнӑҫу суннă.

Отрядсем пурте ҫак кун строевой утӑмпа утма, командӑсене уҫӑмлӑ пурнӑҫлама, туслӑ, пурте пӗрле строй юррине юрлама пӗлнине кӑтартнă. Пӗр форма, илемлӗ эмблемӑсем, тӳрлетӳ — пурте куҫа савӑнтарнӑ. Палӑртмалла: стройпа юрӑ смотрӗ — ӑмӑрту кӑна мар, коллектив пӗрлӗхӗн тата пӗр шухӑшлӑ пулнин кӑтартӑвӗ те. Ҫак уяв мероприятийӗ пурне те лайӑх кӑмӑл-туйӑм, нумай курӑм, патриотла кӑмӑл-туйӑм парнеленӗ!

#НавигаторыДетства
#Росдетцентр

Сăнÿкерчĕкĕсем: Михайловкăри вăтам шкулăн социаллă сетьри страницинчен.

https://vk.com/public201689192