Ача садĕнче Пӗтӗм тӗнчери хӗрарӑмсен кунне паллă тунă

Пишпӳлекри «Журавушка» ача сачӗн «Солнышко» вӑтам ушкӑнра ҫуркуннен илемлӗ уявне — Мартӑн 8-мӗшӗнчи Пӗтӗм тӗнчери хӗрарӑмсен кунне — халалласа уяв иртнӗ.
Пирӗн ҫӑлтӑрсем — ачасем — питӗ чаплӑ пулнӑ! Вӗсем чуна пырса тивекен юрӑсем юрланă, вĕсене пăхса амӑшӗсен куҫӗсем куҫҫульпе тулнă, чуна пырса тивмелле сӑвӑсем вуланă, ашшӗ-амӑшӗсемпе савӑнӑҫлӑ вӑйӑсем вылянă. Кулӑпа савӑнӑҫ тинӗсӗпе тулнă уяв.
Анчах чи пысӑк сюрприз пурне те малта кӗтнĕ. Ачасем патне хӑнана «Светочка» ятлӑ чӑн-чӑн хӗрача килнӗ. Пушӑ алӑпа мар, асамлӑ «Логопеди мозаикипе». Ку йӑпану кӑна мар, усӑллӑ мыскара пулнă. Ачасем ашшӗ-амӑшӗсемпе пӗрле мозаика хаваспа пуҫтарнӑ. Ҫак форматри «Логопеди мозаики» вӑйӑ ачасене те, аслисене те килӗшнӗ — пурте процеса хутшӑннă.
Унтан вара чи кӑмӑллӑ пайӗ — парнесем пулнă. «Светочка» ачасене амӑшӗсене парне пама пулӑшнă кӑна мар, кашни ачана хӑй те тутлӑ сюрпризсем парнеленӗ.
Чей ӗҫмесӗр мӗнле савӑнӑҫ пултӑр-ха? «Светочка» пӗтӗм пысӑк та туслӑ ушкӑна сӗтел хушшине чӗннӗ, унта чылайччен хутшӑннă, тутлӑ апат-ҫимӗҫпе чей ӗҫнĕ, курни-илтнипе пайланнă.
Хаклӑ атте-аннесене питӗ пысӑк тав. Яланах ҫумра пулнӑшӑн, уява йӗркелеме пулӑшнӑшӑн, вӑйӑсене хастар хутшӑннӑшӑн тавтапуҫ. Ачасен пурнӑҫне ҫав тери ҫутӑ та телейлӗ тунӑшӑн. Ҫуркуннехи уяв ячӗпе пире пурне те!

Сăнÿкерчекĕсем: Пишпÿлекри «Журавушка» ача сачӗн социаллă сетьри страницинчен.
https://vk.com/public210640710