Радий Хабиров правительство канашлӑвне хутшӑннӑ

Апрелӗн 28-мӗшӗнче Пушкӑртстан Пуҫлӑхӗ Радий Хабиров видеоҫыхӑну мелӗпе ачасен сывлӑха ҫирӗплетмелли ҫуллахи кампание хатӗрри, патшалӑхӑн пӗтӗмлетӳ аттестацине (ГИА) ирттересси тата 2026 ҫулта вӗренӳ объекчӗсен строительстви мӗнле пыни ҫинчен Раҫҫей Правительствин Председателӗн ҫумӗ Дмитрий Чернышенко ирттернӗ канашлӑва хутшӑннӑ.

Сывлӑха ҫирӗплетмелли çуллахи кампание хатӗрленесси пирки каланӑ май Дмитрий Чернышенко кунта тӗп тӗллев – хӑрушсӑрлӑха, ача-пӑча канӑвне тивӗҫтересси пулнине палӑртнă.

- Кӑҫал кампание 40 пин ытла организаци хутшӑнӗ. Ҫакӑ 6 млн яхӑн ачана ҫавӑрса илме май парӗ. Регионсен пуҫлӑхӗсене ача-пӑча канӑвӗн тытӑмӗ ҫуллахи кампание хатӗррине тивӗҫтерме ыйтатӑп, - тенӗ вице-премьер.
Пушкӑртстанра кӑҫал ҫулла 1 940 ача лагерӗ ӗҫлӗ, вӗсенче 200 пин ытла ача канӗ, ҫав шутра Донецк тата Луганск Халӑх Республикисенчен 600 ача. Ҫуллахи канӑвӑн ытти формисем хушшинче – спорт мероприятийӗсем, походсем, слетсем, экскурсисем, картиш площадкисем, мастер-классем т.ыт. те – республикӑра пурӑнакан тата вӗренекен шкул ӳсӗмӗнчи 442 307 ачана канӑвӑн пур формипе те ҫавӑрса илме планланă.

https://glavarb.ru/ru/news/event/radiy-habirov-prinyal-uchastie-v-pravitelstvennom-soveshchanii-po-voprosam-obrazovaniya_-88182/