Призывник вӑл - тӗрек, герой тата хӳтӗлевҫӗ!

Ҫурхи призыв шайӗнче Пишпÿлек районӗнче РФ Хӗҫпӑшаллӑ Вӑйӗсен пулас 31 ҫар ҫынни валли Призывник кунӗ иртнӗ.
Ҫулсерен ҫулталӑкне икӗ хутчен районта ҫӗршывра ҫурхи-кӗрхи призыв кампанийӗсем ирттернӗ вӑхӑтра Призывник кунӗ пулать. Ҫак ҫарпа патриотла мероприятие пулас çар ҫыннисем валли ӑрусен тӑсӑмне — хӑйсен паттӑрлӑхӗпе çирĕплĕхне тивӗҫлипе кӑтартнӑ асаттесемпе аттесен паттӑрла еткерлӗхне — упраса хӑварас тӗллевпе йӗркелеҫҫӗ. Пирӗн вӑхӑтра тӑваттӑмӗш ҫул пирӗн чылай ентеш ҫарта контракт службинче пулнӑ май ҫине тӑрса ҫапӑҫусенче алла хӗҫ-пӑшал тытса ҫӗршывӑн саккунлӑ ҫӗрӗсене СВОра Украина националисчӗсенчен хӑтарать. Вӗсен паттӑрлӑхӗ хаклӑ тӑрать, вӑл Тӑван ҫӗршыва парӑннин, унӑн пӗрлӗхне упраса хӑварнин тата чикӗсем арканманнин, ҫавӑн пекех пуҫ тӑрринчи тӑнӑҫ тӳпен ырӑ тӗслӗхӗ пулса тӑрӗ.
Районта ҫурхи призыв хӗрӳ пырать. Апрелӗн 24-мӗшӗнче призывниксене иртенпех районти ҫар комиссариатне повесткӑсемпе чӗнсе илнӗ. Военкомат ӗҫченӗсем алӑ пустарса хӑрушсӑрлӑх техники пирки инструктаж ирттернӗ. Унтан пухӑннисем Тӑван çӗршыв хӳтӗлевçисен паркне ҫул тытрӗҫ. Кунта митинг пулчӗ, унта Афганистанра тата Ҫурҫӗр Кавказра интернационаллӑ тивӗҫе пурнӑҫласа ҫапӑҫусенче паттӑррӑн пуҫне хунӑ ентешӗмӗрсене асӑнса чысларӗҫ. Призывниксем умӗнче район администраци пуҫлӑхӗн социаллӑ ыйтусемпе кадрсен ҫумӗ Алексей Данилов тата район ҫар комиссарӗн аслӑ пулӑшуҫи Ильгиз Нагимов тухса калаҫрӗҫ. Пӗр минут шӑп тӑнӑ хыҫҫӑн призывниксем асӑнмалӑх стелӑсем умне чӗрӗ чечексем хучӗҫ. Митинг асӑнмалӑх сӑн ӳкерессипе вӗҫленчӗ, Тӑван çӗршывӑн Аслӑ вӑрҫин паттӑрӗсене чыслама пурте харӑссӑн Ҫӗнтерӳ паркне ҫул тытрӗҫ. Асӑнмалӑх сӑн ӳкерӗннӗ хыҫҫӑн тÿрĕ тăма команда янӑрарӗ. Призывниксем стройпа Пишпÿлекри Культура керменне çул тытрĕç.
Культура керменӗнче хӗрӳ пулчӗ: мероприяти пуҫланас умӗн Тӑван çӗршыв ҫинчен патриотла юрӑсем янӑрарӗҫ. Залра аслӑ классенче вӗренекенсем преподавательсемпе, ҫапӑҫусен тата СВО ветеранӗсем, район администрацийӗпе ҫар комиссариачӗн ӗҫченӗсем, призывниксен ашшӗ-амӑшӗсемпе ҫывӑх тӑванӗсем пухӑнчӗҫ. Культура программи Культура керменӗн «Живая вода» вокал ансамблӗ (ертÿçи Ольга Данилова) «Широка река» юрăпа пуçланать.
Патшалӑх пуласлӑхне ҫитӗнекен ӑру палӑртать, вӑл хӑйӗн халӑхӗн мухтавлӑ йӑли-йӗркине йышӑнать, тахҫан аслашшӗсемпе ашшӗсем пек ҫар йӗркине тӑрать. Призывник - яш кӑна мар, тӗрек, паттӑр тата хӳтӗлевҫӗ! Ӑна амӑшӗсемпе ашшӗсем шанаҫҫӗ, юратнӑ ҫыннисем кӗтеҫҫӗ. Унпа ҫӗршыв мухтанать!
Район администраци пуҫлӑхӗн социаллӑ ыйтусемпе кадрсен енӗпе ӗҫлекен ҫумӗ Алексей Данилов хӑйӗн сӑмахӗнче ҫӗршывӑн Хӗҫпӑшаллӑ Вӑйӗсенче службӑра тӑни кашни арҫыннӑн биографийӗнче пӗлтерӗшлӗ тапхӑр пулнине палӑртнӑ. Районти ҫар комиссарӗн аслӑ пулӑшуҫи Ильгиз Нагимов батальон командованийӗ ячӗпе Газизпа Расима Валиуллина ывӑлне кӗҫӗн сержанта Айгиз Валиуллина хӗсмете парӑннӑшӑн тата хальхи вӑхӑтра ҫар чаҫӗнче хӗсметре тӑракан ҫар тивӗҫне пурнӑҫланӑ чухне пысӑк професси ӑсталӑхӗшӗн Тав çырăвĕ пачĕ. Район администрацийӗ ячӗпе призывниксене асӑну парнисем тата пулас салтаксене асӑну-наказ пачӗҫ. Призывниксене СВО ветеранӗ гварди рядовой Ильмир Иванов ӑс парса каларӗ. Пишпÿлекри Свято Троицки храм настоятелӗ иерей Владимирӑн ҫар паттӑрлӑхӗ ҫинчен чӗнсе каланӑ пил сӑмахӗсем чуна витермелле янӑрарӗҫ. Пулас салтаксемпе матроссене Усак-Кичу ялӗнчи Гульнара Раяновна Шайгарданова ашшӗ-амӑшӗн ӑс-хакӑл сӑмахӗпе тухса каларӗ. Залпа призывниксене, ҫавӑн пекех юратнӑ амӑшне хуравласа пулас салтак Фаузиль Шайгарданов хирĕç сӑмах каларӗ.
Призывник кунне йӗркелекенсене пысӑк шайшӑн тата профессионализмшӑн питӗ пысӑк тав.
Владимир СМОЛОВ.
Сӑнӳкерчӗкӗсем: Владимир Смолов.