Путин: Раççей Федерацийĕ Африка çĕршывĕсене террорпа кĕрешме пулăшĕ

Раççей Президенчĕ каланă тăрăх, Мускав Африка партнерĕсемпе пĕр пек право, туслăх тата пĕр-пĕрне хисепленин принципне тĕпе хурса малашне те хастар ĕçлеме шутлать.

Раççей Африка çĕршывĕсен никама пăхăнманлăх политикине ырлать тата вĕсем террорпа кĕрешме тăрăшнине пулăшма шутлать. Çакăн çинчен РФ Президенчĕ Владимир Путин ĕнер Сочинче Раççей — Африка саммитне хутшăнакан çĕршывсен правительствисемпе патшалăх пуçлăхĕсене чысласа ирттернĕ тĕлпулура пĕлтернĕ.

РФ Президенчĕ Раççейпе Африка хушшинчи ĕçлĕ çыхăнăвăн историйĕ тулăх пулнине тата унта чылайăшĕ Африкăн никама пăхăнман патшалăхĕсем ура çине тăнă тапхăрпа çыхăннине палăртса хăварнă. Раççей — Африка саммит итогĕсем тата çак форумри тĕлпулусем Раççей Федерацийĕпе Африка континенчĕн çĕршывĕсем хушшинчи тĕрлĕ сферăсенчи ĕç-хĕле анлăлатма пулăшасса шаннине пĕлтернĕ.

ТАСС материалĕсем тăрăх.

#ВладимирПутин

Читайте нас: