Кремль представителĕ «Москва. Кремль. Путин» программăна панă интервьюра документа тулашри политика ведомствисен пуçлăхĕсем Сергей Лавровпа Мевлют Чавушоглу оперативлă хатĕрленине пĕлтернĕ. Песков каланă тăрăх, меморандум текстне калаçу пына май лидерсем хăйсем улшăнусем кĕртнĕ. Улшăнусене ют çĕршыв ĕçĕсен министрĕсем вырăс, акăлчан тата турккă чĕлхисемпе калаçса килĕшнĕ. Паллă ĕнтĕ, Эрдоган октябрĕн 9-мĕшĕнче Сирин çурçĕр енче «Источник мира» операци пуçласси пирки пĕлтернĕ, унăн тĕп тĕллевĕ — Турцинче ĕç-хĕл илсе пыма юраманнисен шутне кĕртнĕ Курдистан Ĕç партине тата «Ислам патшалăхĕ» террористсен ушкăнне хирĕç кĕрешесси.