Пушкăртстанра министрсене командировкăна кайма ирĕк начальствăран илме хушнă

Пушкăртстан Пуçлăхĕн Радий Хабировăн указĕпе килĕшÿллĕн, министрсене командировкăсене кайма республика Правительствин премьер-министрĕсен пĕрремĕш çумĕсенчен ирĕк илме хушнă.

Асăннă должнăçсене Андрей Назаров тата Илшат Тажитдинов йышăнаççĕ. Маларах командировкăсене профильлĕ вице-премьерсемпе канашласа ирттернĕ.

Ноябрĕн 18-мĕшĕнче ирттернĕ канашлура Радий Хабиров «пора завершать с чиновничьим туризмом», тенĕ, министрсене хăйсен çулçÿревĕсен эффективлăхĕ пирки отчет тăратма распоряжени панă.

«Башинформ» ИА материалĕсем тăрăх.

Уçă çăлкуçсенчен илнĕ сăнÿкерчĕк.

Читайте нас: