Путин Ярославльти художество музейĕн коллективне саламланă

Раççей Президенчĕ Владимир Путин Ярославльти художество музейĕн коллективне 100 çул тултарнă ятпа саламланă. Телеграммăна Кремль сайтĕнче пичетленĕ.

«Сирĕн музей Ярославль облаçĕнчи тата пĕтĕм çĕршыври чи пысăк, хăйнеевĕрлĕ культурăпа вĕрентÿ центрĕ шутланать. Унăн уникаллĕ пухмачĕнче — паллă художниксен, графиксен, скульпторсен произведенийĕсем, декоративлă-прикладной искусство шедеврĕсем. Çакнашкал пуян экспозици Раççей тата чылай ют çĕршыв хăнисен пысăк шутне илĕртет», — палăртса хăварнă Президент.

Ярославльти художество музейĕ — Раççей провинцийĕнчи чи пысăк искусство музейĕ, «Окно в Россию» конкурс çĕнтерÿçи. Унăн пухмачĕнче 75000 произведени упранать.

ТАСС материалĕсем тăрăх.

#ВладимирПутин