Владимир Путин Китайпа газ контракчӗн ҫӗнӗ проекчӗ ҫинчен пӗлтернӗ

#владимирпутин
Раҫҫей Президенчӗ Владимир Путин февралӗн 4-мӗшӗнче, Пекинта Китай Пуҫлӑхӗпе Си Цзиньпинпа калаҫнӑ май, икӗ ҫӗршывра газпа килӗштерсе ӗҫлени ҫинчен пӗлтернӗ. Сӑмах Инҫетри Хӗвелтухӑҫ енчен çункăç тăратассине йӗркелесси ҫинчен пырать.
"Пирӗн тӗлпулу тĕлне пирӗн нефть ӗҫченӗсем Китай Республикине углеводородсем тăратас енӗпе питӗ лайӑх ҫӗнӗ йышӑнусем хатӗрленӗ, газ отраслӗнче тепӗр утӑм малалла тунӑ. Раҫҫейӗн Инҫетри Хӗвелтухӑҫӗнчен Китая ҫулталӑкра 10 миллиард кубла метр газ тăратмалли ҫӗнӗ контракт пирки калатăп", - тенӗ Раҫҫей лидерӗ.
"Известия" пӗлтернӗ тӑрӑх, Владимир Путин çак кун килсе çитнĕ. Вăл КНР председателӗпе Си Цзиньпинпа тӗл пулнӑ май Раççейпе Китай хушшинчи ҫыхӑнусем уникаллĕ, енсем пӗр-пӗрне аталанма пулӑшаҫҫӗ тесе хушса хунă.
"МГ" информацийĕпе.
Сӑнӳкерчӗкӗ: ТАСС/ Алексей Дружинин.