Радий Хабиров Пушкӑртстанри делегаци Иранра ӗҫлеме пуҫлани ҫинчен пӗлтернӗ

Пушкӑртстан Пуҫлӑхӗ республика ҫак ҫӗршывпа тачӑ ҫыхӑнса ӗҫлесси пысӑк пӗлтерӗшлӗ пулнине, нумай тӗлпулусемпе калаҫусем ирттерме палӑртнӑ.

Пуш уйӑхӗн 12-мӗшӗнче регион ертӳҫи Радий Хабиров ертсе пыракан Пушкӑртстан делегацийӗ Ислам Республикине Ирана ҫитнӗ. Тегеран аэропортӗнче хӑнасене Иранăн промышленноҫ, рудниксен тата суту-илӳ министрӗн ҫумӗ Мохаммад Мусави кӗтсе илнӗ.

Ӗҫ программинче нумай ӗҫ тӗлпулӑвӗ, ҫав шутра Иранăн экономика ыйтăвĕсемпе ĕçлекен вице-президенчĕпе Мохсен Резаипе, министрсемпе тата пысӑк компанисен ертӳҫисемпе.

Унсӑр пуҫне делегаци представителӗсем промышленноҫпа культура тата истори объекчӗсене пырса курӗҫ, Пушкӑртстанри инвестици вӑй-хӑватне презентацилӗҫ, ҫавӑн пекех B2B форматра пӗрлешӳллӗ проектсене пурнӑҫламалли малашлӑхлӑ ҫул-йӗрсене сӳтсе явӗҫ.

Делегаци йышӗнче – отрасль министерствисен ертӳҫисем тата экономикӑн тӗрлӗ сферисенчен килнӗ компанисен представителӗсем.

https://mgazeta.com/news/novosti/2023-03-12/radiy-habirov-soobschil-chto-delegatsiya-iz-bashkortostana-nachinaet-rabotu-v-irane-3173