Владимир Путин Tucker Carlson Network видеоплатформăна хывакан Такер Карлсон журналистӑн ыйтӑвӗсене хуравланă

#владимирпутин

Владимир Путинăн Америка журналистне Такер Карлсона панă интервьюн тулли текстне эрнекун Кремль сайтӗнче пичетлесе кӑларнӑ.
Порталта Путинпа Карлсон калаҫӑвӗн видеоне, ҫавӑн пекех вырӑсла тата акӑлчанла транскрипт туллиех пичетленсе тухнӑ. Маларах, Мускав вӑхӑчӗпе ҫурҫӗр иртсен 2 сехетре, интервью Америка журналисчӗн сайчӗ ҫинче пичетленсе тухнӑ.
РФ Президенчӗн пресс-секретарӗ Дмитрий Песков пӗлтернӗ тӑрӑх, Америка журналисчӗ РФ Президентӗнчен февралӗн 6-мӗшӗнче интервью илнӗ. Песков патшалăх пуҫлӑхӗ шӑпах ҫак журналиста интервью пани ҫинчен ӑнлантарса панă, мӗншӗн тесен унӑн позицийӗ ыттисенчен уйрӑлса тӑрать.
Карлсон хӑйӗн шухӑшне Путинран интервью илме шутлани çинчен ӑнлантарса панӑ: американецсем Раççейпе Украинӑра мӗн пулса иртнине пӗлмеҫҫӗ. Ҫак вӑхӑтра, Карлсон шантарнӑ тӑрӑх, Шурӑ ҫурт интервьюна икӗ хут татма хӑтланнӑ. Каярахпа Шурӑ ҫуртӑн пресс-секретарӗ Карин Жан-Пьер журналист заявленине хирӗҫленӗ.
Сӑнӳкерчӗкĕ: http://www.kremlin.ru/events/president/news/

 https://ria.ru/20240209/intervyu-1926333701.html материалĕсем тӑрӑх.