Путинпа Лукашенко телефонпа калаҫнă

#владимирпутин

Раҫҫей Президенчӗ Владимир Путин тата Беларуç лидерӗ Александр Лукашенко телефонпа калаҫнă. Кун пирки июнӗн 24-мӗшӗнче БелТА агентство Беларуç лидерӗн пресс-служби пӗлтернĕ.

«Беларуçпа Раҫҫей президенчӗсен телефон калаҫӑвӗ июнӗн 24-мӗшӗнче каҫхине пулса иртнӗ», - тенӗ заявленире.

Палӑртнӑ тӑрӑх, икӗ ҫӗршыври лидерсем Еврази экономика союзӗн (ЕАЭС) пулас саммитне, ҫавӑн пекех Беларуçпа Раҫҫей союзлӑ повесткине сӳтсе явнӑ. Кунсӑр пуҫне, Путинпа Лукашенко Украинӑри тата Ҫывӑх Хӗвелтухӑҫӗнчи лару-тӑру пирки пӗр-пӗринпе калаҫнă.

 

«Александр Лукашенкопа Владимир Путин ҫывӑх вӑхӑтра Минскра тӗл пулсан тата тӗплӗнрех сӳтсе явма калаҫса татӑлнӑ», - тет БелТА.

 

Кремльте Раҫҫей лидерӗ унӑн Беларуç ӗҫтешӗпе калаҫнине ҫирӗплетнӗ. Путинпа Лукашенко пӗтӗм тӗнче тата регион проблематикине сӳтсе явнине тата шухӑш-кӑмӑла малалла тӑсма калаҫса татӑлнине палӑртнӑ.