Путин Аляскӑра Трамппа тӗл пулас умӗн Магадана ҫитнӗ

 

#владимирпутин

Раҫҫей Президенчӗ Владимир Путин Аляскӑра Америка лидерӗпе Дональд Трамппа тӗл пулас умӗн Магадана ҫитнӗ. Кун пирки Кремлӗн официаллӑ представителӗ Дмитрий Песков пӗлтернӗ.

Вӑл каланӑ тӑрӑх, хулара РФ Президенчӗ промышленность предприятине ҫитсе курӗ, ҫавӑн пекех губернаторпа тӗл пулӗ.

Песков Путин ҫурҫӗр-хӗвелтухӑҫ енне кайнӑ чухне регионти ӗҫсемпе аппаланма май пуррине нихӑҫан та вӗҫертмен тесе хушса хунă.

Раҫҫей журналисчӗсем вырнаҫнӑ сывлӑш карапӗ ҫурла уйӑхӗн 15-мӗшӗнче Аляска штатӗнчи Анкориджа аэропортне анса ларнӑ, унта РФ Президенчӗпе Америка ертӳҫин тӗлпулӑвне палӑртнӑ.

Путинпа Трамп США Анкориджри Сывлӑш-ҫар вӑйӗсен Эльмендорф-Ричардсон базинче  ҫурла уйӑхӗн 15-мӗшӗнче вырӑнти вӑхӑтпа 11:30 сехетсенче (22:30 мск) тӗл пулӗҫ. Саммитӑн тӗп теми Украинӑри хирӗҫӗве сӳтсе явасси пулӗ.

http://static.kremlin.ru/media/events/photos