Ывăлĕпе пĕрле пурăнасшăн пулнă

Суд приставӗсем ӑна патшалӑх чикки урлӑ каҫмалли пункта ҫитерсе янӑ.

Федерацин суд приставӗсен службин Чӑваш Енри управленийӗнче пӗлтернӗ тӑрӑх, 33 ҫулти арҫынна суд ҫавӑн пекех икĕ пин тенкӗлӗх штрафлама йышӑннӑ.

Ют ҫӗршыв гражданинӗ Раҫҫейӗн миграци саккунне пӑснӑ иккен. 2011 ҫулхи авӑн уйӑхӗнче ӑна пирӗн ҫӗршывран ирӗксӗр кӑларса яма йышӑннӑ. Вӑл вара тӑван ҫĕршывне кайсан ҫӗнӗ паспорт тутарнӑ та Казахстан урлӑ Чӑваш Ене килнӗ. Унта вӑл хӗрарӑмпа тата 7 ҫулти ывӑлӗпе пурӑннӑ.

Арҫын судра ӑнлантарнӑ тӑрӑх, хӑй тӗрӗс мар тунине ӑнланать, ҫемйине тӑван ҫӗршывне илсе кайма укҫа ҫукки пӗтерет.

Хыпар ҫӑлкуҫӗ: http://r21.fssprus.ru/news/document27203932/

Уçă çăлкуçсенчен илнĕ сăнÿкерчĕк.