Инвалидсемпе ватăсен çурчĕн экс-заведующийĕ тĕлĕшпе виçĕ уголовнăй ĕç пуçарнă

Дюртюли районĕнчи Старобаишевăри ватăсен çурчĕн экс-заведующийĕн ултавлă ĕçĕсене ПР Следстви комитечĕ уçса панă, 42 çулхи хĕрарăм ĕç вырăнĕпе усă курса услам тунă.

Следстви палăртнă тăрăх, хĕрарăм 2018 çулта тăлăх ачасемпе инвалид ачасем валли паракан укçана хăйĕн кĕсйине чикнĕ, укçа-тенкĕ расхутланине тĕрĕслекен комиссине суя чексем панă. Право йĕркине сыхлакансем интернат сотрудникĕсенчен ыйтса пĕлеççĕ, бухгалтери отчечĕсене тĕрĕслеççĕ. Следовательсем унччен те ултав ĕçĕсем тăрăх 4 уголовнăй ĕç пуçарнă пулнă, вĕсем тăрăх шырлăха туллин саплаштарнă.

Дюртюли район администрацинчи опекăпа попечительство пайĕнчи должнăçри çынсен тĕлĕшĕпе те — интернатра пурăнакансем валли каймалли укçа-тенкĕпе тĕллевлĕ расхутланине мĕнле тĕрĕсленине — хак параççĕ.

https://newsbash.ru/ материалĕсем тăрăх.

Читайте нас: