Арçын хыççăн йĕрлесе полици сотрудникĕсем «гастролера» тытма решени йышăннă. Арçын çумĕнче сотовăй телефон пулнă, унта наркотиксене пытарнă вырăнсене ÿкернĕ санÿкерчĕксем пулнă.
— Çак сăнÿкерчĕксемпе эпир наркотиксем пытарнă 10 вăрттăн вырăн тупрăмăр, — каласа парать наркотиксен çаврăнăшне контроллекен подразделени оперуполномоченнăйĕ Артур Бикмухаметов. — Арçыннăн машини ăшенче пакетиксене уйăрса хунă наркотиксем тата товара виçекен электронлă виçе пулнă.
Наркотик сутакан арçын хайĕн айăпне йышăннă. Унăн малашнехи шăпине суд палăртĕ.
«Белебеевские известия» хаçатран.