Республикăра ĕçсĕррисем темиçе теçетке пин пулма пултараççĕ

Çитес экономика кризисĕн тĕп проблемисенчен пĕри Пушкăртстанра ĕçсĕрлĕх пулса тăма пултарать. Республикăра ĕçсĕррисен шучĕ темиçе теçетке пин çын пуласса кĕтеççĕ. Çынсен хăйсен прависем пирки мĕн пĕлмелле? Тĕп ыйтусене хурав панă «Башинформ» агентствăра.

— Çук. Ĕçлемелли мар кунсенче сире каламасăр-пĕлтермесĕр ĕçрен кăларма пултараймаççĕ.

— Владимир Путин апреле ĕçлемелли мар уйăх тесе пĕлтернĕ чух ĕç укçине сыхласа хăвармалла тенĕ. Енчен те ĕç укçине сдельнă тÿлеççĕ пулсан, ĕçлемелли мар кунсемшĕн тÿлемелле. Унăн виçине организацин шалти документацийĕсемпе çирĕплетнĕ, анчах вăл МРОТ виçинчен (13949 тенкĕ) сахалрах пулма пултараймасть. Указа пăхмасăр, çаплипех ĕçлекенсем яланхи пекех ĕç укçи илеççĕ (икĕ хут виçепе мар).

— Çук, пултараймаççĕ. РФ Ĕç кодексĕн 261-мĕш статйипе килĕшÿллĕн, ĕç договорне татма пултараймаççĕ:

- йывăрлă хĕрарăмсемпе;

- 3 çула çитмен ача ÿстерекенсемпе;

- 14 çула çитмен е 18 çула çитичченхи инвалид ачана пĕччен ÿстерекен амăшĕсемпе;

- виçĕ тата ытларах ача ÿстерекен ĕçлекенсемпе, енчен те иккĕмĕш ашшĕ-амăшĕ ĕçлемест пулсан.

Анчах та уйрăм самантсем пур. Çак категорисене кĕрекен ĕçлекенсене ĕçрен кăларма пултараççĕ, енчен те:

- предприятие хупсан;

- сотрудник ĕç дисциплинине пăссан, ĕçе ÿсĕр килсен, мĕн те пулин вăрласан, коммерци вăрттăнлăхне сарса çÿресен, ĕç тивĕçĕсене пурнăçламассан.

Тĕплĕнрех «Башинформ» сайтĕнче е РФ Ĕç Кодексĕнче пăхма пулать.