Уфа çыннине терроризма пулăшнăшăн ирĕклĕхрен хăтарнă

Пушкăртстан аслӑ сучӗ 33 ҫулхи уфимец Роберт Усманов пирки татӑклӑ приговор йышӑннӑ. Ӑна саккунсӑр хĕçпăшаллă формированисем хатӗрлеме укҫа-тенкӗпе пулӑшнӑшӑн айӑпланӑ.

Уфари Шакша микрорайонĕнче пурăнаканскер, Экстремизм хирӗҫ тӑракан Центр кӑтартӑвӗсем тăрăх, мечĕте ҫӳренӗ. Унта пĕр çынпа паллашнӑ, вӑл ӑна вербовкӑлама тата Раҫҫейре чарнă "Ислам патшалӑхӗ" организацинче Сирире ҫапӑҫусене хутшӑнма сĕннĕ.

"2013 ҫулта вербовщик Раҫҫейрен тухса кайнӑ та хальхи вӑхӑтра вăл пӗтӗм тӗнчери шыравра. Шакша ҫынни вара ҫӗршыврах юлнӑ та тухса кайнӑ арҫынпа, унӑн ӗҫне туса, ҫыхӑну тытма пуҫланӑ. Унӑн тивӗҫне террористсен организацийӗ валли укҫа-тенкӗ пухасси тата ӗҫ-хӗлне тивӗҫтересси кӗнӗ. Ҫавна тӑвас тесе фигурант социаллӑ сетьсем урлӑ граждансене джихадпа "тӑван-мусульмансене" пулӑшма чӗнекен текст хыпарӗсене ярса тӑнӑ, — пĕлтернĕ Пушкăрт Республикин пресс-службинче. Пӗтӗмӗшле илсен, Усманов ют ҫӗршыври расчет счечӗсене куçарса пынă 100 пин тенкӗ пухнӑ.

Суд уфимеца виҫӗ ҫуллӑха колоние условнă янӑ.

 «Башинформ» информацийĕпе.