Çамрӑк ҫынсем лавккаран ача апатне вӑрланӑ

Ачасене тӑрантарма май ҫукран вӑрланă-и? Е пуяссишӗн?

Уголовлӑ шырав ӗҫченӗсем лавккаран вӑрлама шутлакан ҫамрӑк ҫынсем камсем пулнине тупса палăртнă. Раҫҫей МВД Уфа хулинчи 7-мӗш Управленийӗн полицийӗн уйрӑмне лавккаран сӗт хутӑшӗсем вӑрлани ҫинчен хыпар килнӗ. Тӑкак сумми 6 пин тенкӗпе танлашнӑ.

Ӗҫ пулса иртнӗ вырӑна следствипе оперативлӑ ушкӑн янӑ. Уголовлӑ шырав ӗҫченӗсем видео асӑрхав камерине пӑхса тухнӑ май паллӑ ҫынсене палӑртнă. Вӗсем 18 тата 20 ҫулсенчи хӗрсем тата 21 ҫулхи каччă пулнӑ.

Вӑрланӑ пирки уголовлӑ ӗҫ пуҫарнӑ. Ҫамрӑк ҫынсем ачасене тӑрантарма укçа ҫукран вӑрланӑ е урăх сăлтавпа, право хуралҫисен тӗпчесе пӗлмелли юлать.

Раҫҫей МВД Уфа хулин пресс-служби.