Пушкăртстанри ял совет пуҫлӑхне йытӑсем ачана кӑшласа янӑшăн суда панă

Арҫын нимĕн те туманнине пула йытӑ кӗтӗвӗ ачана тапӑнса вăл вилни патне илсе çитернĕ тесе айӑплаҫҫӗ.
ПР следстви комитечĕн Учалăри следстви пайӗ Учалă районӗнчи Сафарово ял совечӗн пуçлăхĕ пирки уголовлӑ ӗҫе вӗҫленӗ. Сафарово ялӗнче пурӑнакансем килсӗр-ҫуртсӑр йытӑсем çÿрени пирки темиҫе хут та каланине, ял совечĕн пуçлăхĕ итлеменнине следстви кӑтартса панă. Унсӑр пуҫне вӑл граждансене асӑрхавсӑр чӗр чунсене мĕнле тытмалли ҫинчен заявлени памалли йӗркене ӑнлантарса паман тата чӗрчунсене тытма специализациленӗ организацие те, район администрацине хăй те заявлени паман. Аса илтерер-ха, иртнӗ ҫулхи апрелӗн 17-мӗшӗнче велосипедпа ярӑнса ҫӳрекен пӗчӗк ачана йытӑсен ушкӑнӗ кӑшласа янӑ. Ку хӑрушӑ трагеди Шкул урамӗнче пулса иртнĕ. Ача ҫавӑнтах вилнĕ.
Айӑпланакан хӑйӗн айӑпне йышӑнман.
Халӗ ӗнтӗ ӗҫе суда пӑхса тухма ярӗҫ.
"МГ" информацийĕпе.