Пушкӑрт ҫынни, 1,2 тонна рельс крепленине вӑрланине пытарас тесе, ФСБ сотрудникне взятка пама тӑрӑшнӑ

Нефтекамскра пурăнакан арҫын Пушкӑртри РФ УФСБ служба ӗҫченне 200 пин тенкӗ чухлӗ взятка пама хӑтланнӑ, икӗ юлташӗпе пӗрле организациленӗ чугун ҫул çинчи вӑрра тата ун хыҫҫӑн пулнă инцидент ҫине "куҫне хуптӑр" тесе. Кун ҫинчен управлени пресс-службинче пӗлтернӗ.
Усал шухӑшлӑ ҫынсем пӗлтӗрхи июльте рельсӑсем çыхăнтармаллисене 1,2 тонна ытла тимӗр вӑрласа сутса яни паллӑ. Малтан "Башинформ" ҫырнӑ тӑрӑх, ҫул ҫинчен виҫӗ цистерна соляный кислота турттаракан поезд аннӑ. Уголовлӑ йӗрлеме чарӑнас тесе, 36 ҫулти преступник оперативникпа тӗл пулнӑ, унта ӑна пӗр пай укҫине панӑ вӑхӑтра тытса чарнӑ.
Суд усал шухӑшлӑ ҫынна 4,6 ҫула ҫирӗп режимлӑ колонине ăсатма приговор йышӑннӑ, унпа пӗрле пулнисем 4,6 тата 3 ҫул хушши колони-поселенире ирӗклӗхсӗр тӑрса юлнӑ. Ҫавӑн пекех вӗсенчен пӗри пӗр миллион тенкӗ штраф тӳлет.
https://www.bashinform.ru/news/law/2023-01-25/zhitel-bashkirii-pytalsya-podkupit-sotrudnika-fsb-chtoby-skryt-krazhu-1-2-tonny-relsovyh-krepleniy-3118726

Сӑнӳкерчӗкĕ: РФ УФСБ ПР.