Мошенниксем машина валли запас пайсем илнӗ чух виҫӗ арҫынна улталанӑ

Пушкӑрт ҫыннисенчен виҫҫӗшӗ машина валли запас пайĕсем туяннӑ чухне интернет-мошенниксенчен инкек куракан пулса тӑнӑ, пӗлтернӗ регионти МВД пресс-службинче.

"Ултавҫӑсен улталамалли чи юратнӑ меслетсенчен пӗри граждансене хӑвӑртрах сутма е интернетра ҫав е урӑх япаласене туянма тӑрӑшни пулать. Кун пек япаласемшĕн малтанах тӳлеме юрамасть. Ҫавӑн пекех хăвăр карттӑсен даннăйсене ют ҫынсене пама юрамасть, — каллех аса илтернĕ МВДра. — Ишимбай районӗнче пурӑнакан 24 ҫулти ҫын шӑпах ҫавӑн пек мошенниксен вӑлтине ҫакланнă, вӑл хӑйӗн автомобилӗ валли тӳрех темиҫе запас пайĕ туянма шутланă. Паллӑ мар çынсене вӑл 30 пин тенкӗ куҫарнӑ. Анчах тавара ҫаплах илеймен".

Çав ултав схемипе ултавҫӑсем Туймазăра пурӑнакан 49 ҫулти ҫынна шăнман пăр çине лартнă. Паллӑ мессенджерӑн страницинче арҫын хӑйӗн Корея иномарки валли запас пайĕсем туянасси ҫинчен пӗлтерӳ пичетлесе кӑларнă.

Сутакан часах тупӑннă. Вӑл малтан таваршăн тӳлеме ыйтнӑ. Туймазинец мошеннике 39 пин тенкӗ ытла укҫа куҫарнӑ. Ҫакӑн хыҫҫӑн сутуҫӑ ҫыхӑнăва текех тухман.

Республикӑра пурӑнакан тепӗр ҫын машина запас пайĕсем туяннӑ чухне 46 пин тенкӗ ҫухатнӑ. Нефтекамскра пурӑнакан 25 ҫулти çын тӳлевсӗр пӗлтерӳсен сайчӗсенчен пӗринче ӑна интереслентерекен тавар тупнӑ. "Сутуҫӑна" ҫырсан тата заказӑн деталӗсем ҫинчен калаҫса татӑлнӑ хыҫҫӑн, арҫын машина валли запас пайсем илсе килнӗшӗн пĕтĕм хакне тӳленӗ. Анчах тӳленӗ тавара илсе килмен, суеҫе сутакан пачах ҫухалнӑ.

Виҫӗ факт тӑрӑх та "Мошенничество" статьяпа уголовлӑ ӗҫсем хускатнӑ.

Пӗр талӑк хушшинче Пушкӑрт ҫыннисем ултавҫӑсене 20 млн ытла тенкӗ панӑ.

https://www.bashinform.ru/news/law/2024-08-11/v-bashkirii-moshenniki-obmanuli-treh-muzhchin-pri-pokupke-avtozapchastey-3880918