Пушкӑртстанра ултавҫӑсем 20 ҫынран ытла укçисене вӑрланă

Тӗлӗнмелле, инкек курнисем хушшинче ҫамрӑксем сахал мар. Нумай чухне усал шухӑшлӑ ҫынсем патшалӑх органӗсен сотрудникӗсем пек паллаштарнӑ, пӗлтерет ПР МВД пресс-служби.
Мошенниксем 28 ҫулти уфимкӑран чылай пысӑк укҫа илӗртсе илнӗ. Хӗр ӗлӗкхи руководительтен компанири сотрудниксенчен пӗри унăн даннӑйӗсене мошенниксене панӑ, тесе пӗлтернӗ. Халӗ ку ӗҫе укҫа вӑрласран хӑтӑлма пулӑшакан ҫынпа сӳтсе явмалла тенĕ. Малалла хӗрпе ӗҫ инспекцийӗн представителӗсем тата суя следователь ҫыхӑннӑ имӗш. Вӑл хӗн-хур тӳснӗ ҫынна пӗтӗмпех хӑратса пĕтернĕ, унăн счетĕнчи укҫа-тенкине ют ҫӗршывсене куҫарма хӑтланаҫҫӗ, ҫавӑнпа та ăна уголовлӑ йĕркепе явап тыттарма пултараççĕ тесе хӑратнă. Инструкцисем тăрăх укçана "специалистсене" куҫармалла пулнă. Уфимка хӑйӗн укҫи-тенкине ҫеҫ мар, кредит укҫине те, пурӗ 1,2 миллиона яхӑн тенкӗ янӑ.
Анчах ку та ултавҫӑсене сахал пулнă. Вӗсем видеоконференци организациленӗ, ун чухне харкашу сцени пулса иртнӗ – "следователь" тата "Росфинмониторинг сотрудникӗ" пӗр-пӗрин ҫине кӑшкӑра-кӑшкӑра айӑпланӑ, йӑнӑшсем тунӑ тесе. Аптраса ÿкнĕ уфимкӑна ҫывӑх тӑванӗсен телефонӗсен номерӗсене пама ыйтнă. Вӗсене илсен, усал шухӑшлӑ ҫынсем хӗр ашшӗ патне шӑнкӑравланӑ, хӗрне асаплантарса вӗлерессипе хӑратнӑ, вӗсене 100 пин тенкӗ куҫарма ыйтнӑ. Каярахпа инкек тӳснӗ ҫын тинех ӑнланса илнӗ те полицие кайнӑ.

Ҫавӑн пек ӗҫ 39 ҫулти хӗрарӑмпа та пулса иртнӗ. Мобильлĕ çыхăну операторӗпе договора малалла тӑсас сӑлтавпа мошенниксем инкек курнӑ ҫынран даннӑйсене илнӗ. Малалла хӑратса тата ӳкӗтлесе хӗрарӑма 9 миллион тенкӗ курьера пама ӳкӗте кӗртнӗ. Хĕрарăм хӑйӗн мӗнпур пурлӑхне панă.
Ултав паллисене асӑрхасан, паллах, ун пек лару-тӑруран хӑтӑлма пулать. Чи кирли – палламан ҫынсемпе калаҫма, вӗсене шанма юрамасть.
https://mgazeta.com/articles/vazhno/2025-01-22/v-bashkirii-za-sutki-moshenniki-smogli-ukrast-sberezheniya-u-bolee-20-chelovek-4093005