Пушкӑртстанра пурӑнакан хӗрарӑм ултавҫӑсене 600 пин тенке яхӑн панӑ

Стерлитамакра пурӑнакан хӗрарӑма мессенджерта илсе ҫитерекен службӑран имӗш, заказлӑ ҫыру килнине пӗлтернӗ.

Палламан ҫынсем СМСри кодне калама ыйтнӑ. Хӗрарӑм ҫапла тусан унпа ултавҫӑсем ҫыхăннă.

Вӗсем Госуслугинчи унӑн аккаунтне ҫӗмӗрнӗ, укçа-тенке ҫӑлас тесен часрах «хӑрушлӑхсӑр счет» ҫине куҫармалла тенĕ. Хӗрарӑм ӗненнӗ те 590 пин тенке асӑннӑ номерсем ҫине куҫарнӑ. Кун хыҫҫӑн ултавҫӑсем ҫухалнӑ.

Полици асӑрхаттарать:

- Сиртен СМСри кодсем ыйтма никамӑн та, нихӑҫан та ирӗк ҫук.

- Банкран, патшалӑх службисенчен е леҫсе паракансенчен никам та «хӑрушлӑхсӑр счет» ҫине укҫа куҫарма ыйтмӗ.

- Сирӗн пата ҫакӑн пек ыйтусемпе шӑнкӑравлаҫҫӗ пулсан – вӗсем ултавҫӑсем. Телефон трубкине хурӑр та хӑвӑр банка е организацие официаллӑ номерпе шӑнкӑравлӑр.

- Сире улталама хӑтланаҫҫӗ пулсан тӳрех полицие шӑнкӑравлӑр.

https://mgazeta.com/news/novosti/2025-09-14/zhitelnitsa-bashkirii-otdala-moshennikam-pochti-600-tysyach-rubley-4387177