Стерлитамакра пурӑнакан ҫын улталанине пула 1,2 млн тенкӗсӗр юлнӑ

Вырӑнти ҫын иномаркӑна илӗртӳллӗ хакпа туянасшӑн пулнӑ, тетелте сӗнӳсем шырама тытӑннӑ. Популярлӑ мессенджерсенчен пӗринче арҫын пӗлтерӳ ҫине тӑрӑннӑ, унта «специалистсем» ытлашши волокитӑсӑр Европӑран килӗшӗве туллин илемлетнӗ автомобиль илме сӗннӗ. Пӗр вариантпа кӑсӑклансан арҫын асӑннӑ телефонпа менеджерпа ҫыхӑннӑ, «Тойота Рав 4» внедорожнике темиҫе сӗнӳ илнӗ.
Кӗҫех заявитель ҫине сутуҫӑ представителӗ тухнӑ имӗш, машина таможньӑран ӑнӑҫлӑ иртнине пӗлтернӗ, килӗшӗве вӗҫлеме автомобиль хуҫине 1 миллион та 210 пин тенкӗ куҫарса памалла имĕш, арҫын ҫапла тунӑ та.
Ултавҫӑсем автомобиль Раҫҫейре ӗнтӗ тата туянакан ӑна ҫитес вӑхӑтра илессине пӗлтернӗ, ун хыҫҫӑн ҫыхӑнӑва тухма пӑрахнӑ. Арҫын ултав парни пулнине ӑнланса полицие кайнă.

Пушкӑртстан Республикинчи МВД пресс-службин информацийӗ тӑрӑх.

https://mgazeta.com/news/novosti/2026-01-06/zhitel-sterlitamaka-lishilsya-1-2-mln-rubley-iz-za-moshennichestva-pri-pokupke-4529674