Пушкӑртра пурӑнакансем ултавҫӑсене талӑкра 4 миллион тенкӗ ытла панӑ

Иртнӗ талӑкра Пушкӑртстанра пурӑнакан пилӗк ҫын ултавҫӑсен парни пулса тӑнӑ.
Республикӑри МВД пӗлтернӗ тӑрӑх, вӗсем усал шухӑшлӑ ҫынсене 4 миллион ытла тенкӗ куҫарнӑ. Пӗрремӗш инцидентра Уфара пурӑнакан 54 ҫулти хӗрарӑма карас ҫыхӑнӑвӗн операторӗнчен шӑнкӑравланӑ имӗш. «Специалист» хӗрарӑмӑн ҫыхӑну парас килӗшӳ срокӗ тухнине пӗлтернӗ, договора тӑсма хӑйӗн пулӑшӑвне сӗннӗ. Усал шухӑшлӑ ҫын ссылка тӑрӑх каҫма ӳкӗте кӗртнӗ, карас телефонне инҫетрен кӗме пултарнӑ. Уфара пурăнакан унӑн кӑтартӑвӗсене пурнӑҫланӑ. Тӳснӗ ҫын 100 пин тенкӗ ытла ҫухатнӑ.

Стерлитамак хулинчи МВД управленине 30 ҫулти арҫын ултав пирки заявлени панӑ. Вӑл полицейскисене мессенджерта инвестицисенчен хушма тупӑш тума сӗннӗ хыпар килнине каласа панӑ. Арҫын суя брокера шанса хӑйӗн инвестици енчӗкӗ ҫине 1,5 миллион ытла тенкӗ янӑ имӗш. Шар курнӑскер укҫа-тенке кăларайман. Ҫакнашкал ултава Мелеуз районӗнчи 47 ҫулти арҫын та лекнӗ. Вӑл 1,5 миллион тенкӗ ытла ҫухатнӑ.

Янаулта пурӑнакан 54 ҫулти хӗрарӑма социаллӑ фондӑн суя ӗҫченӗнчен шӑнкӑравланă. Усал шухӑшлӑ çын хӗрарӑма шута илмен ӗҫ стажӗшӗн компенсаци сӑлтавӗпе 400 пин тенкӗ ытла куҫарма ӳкӗтленӗ. Вӑхӑт иртсен тин шар курнӑскер ултавҫӑсен витӗмне лекнине ӑнланнӑ, полицие ҫитнӗ.

Мияки районӗнчи 73 çулти пенсионерка Роскомнадзор тата ФСБ сотрудникӗсем тесе паллаштарнӑ телефон аферисчӗсен парни пулнӑ. Усал шухӑшлӑ ҫынсем ватӑ хӗрарӑма посылка илме тата кредит ҫырассине сирме смс-ҫыруран кодне пама ӳкӗтленӗ. Кун хыҫҫӑн шӑнкӑравлакансен инструкцийӗсене пӑхӑнса пенсионерка паллӑ мар счетсене 700 пин тенкӗ ярса панӑ.

Асӑннӑ фактсем тӑрӑх уголовлӑ ӗҫсем пуҫарнӑ.

https://www.bashinform.ru/news/law/2026-01-29/zhiteli-bashkirii-otdali-moshennikam-bolee-4-millionov-rubley-za-sutki-4556258