Хабиров: Пушкӑрт прокуратури саккунлӑхӑн тӗп гаранчӗн статусне ҫирӗплетнӗ

Февралӗн 12-мӗшӗнче Уфара Пушкӑртстан Пуҫлӑхӗ Радий Хабиров республика прокуратурин коллегийӗн 2025 ҫулхи ӗҫ пӗтӗмлетӗвӗсене халалланӑ анлӑ ларӑвне хутшӑннă.
Регион ертӳҫи надзор ведомствин патшалӑх влаҫӗн органӗсемпе ҫыхӑнса ӗҫленин тухӑҫлӑхне пысӑк хак панӑ. Игорь Пантюшин прокурорпа ӗҫченсем патне пырса вӑл прокуратура саккунлӑхпа право йӗркин тӗп гаранчӗ пулса юлнине палӑртнӑ. Радий Хабиров каланӑ тӑрӑх, граждансем саккун вӑйне шанни ведомствӑра ӗҫлекенсен тӳрӗ кӑмӑлпа ӗҫленине, вӗсен тивӗҫне тата принципне пӑхӑннине пула куллен ҫирӗпленет.
Республика Пуҫлӑхӗ пӗлтӗрхи пӗтӗмлетӳсене уҫӑмлӑ ҫирӗплетнине палӑртнă: служба патшалӑх задачисене татса пама мӗнпур кирлӗ ресурспа тивӗҫтерет.
Уйрӑммӑн Радий Хабиров ЖКХра 750 ытла граждан правине ҫӗнетесси тата авариллӗ ҫичӗ ҫуртра пурӑнакансене вырнаҫтарассине тимлӗх уйӑрнӑ. Нацпроектсене тӗрӗслесси бюджета тухӑҫлӑ тӑкаклассине тата социаллӑ пӗлтерӗшлӗ тӑхӑр объекта вӑхӑтра кӗртессине тивӗҫтернӗ. Пӗрлехи ӗҫӗн саккунлӑ кӑтартӑвӗ преступлени шайӗ чакни, ҫав шутра кибер преступленисем чакни пӗрремӗш хут палӑрнӑ.
Раҫҫей халӑхӗсен пӗрлӗхӗн çулталӑкӗнче тата Пушкӑртстанри пысӑк та туслӑ ҫемье çулталӑкӗнче регион пуҫлӑхӗ ҫемье хаклӑхӗсене тата нацисен хушшинчи килӗшӗве малалла хӳтӗлеме чӗнсе каланӑ.
Радий Хабиров шкулсенчи резонанслӑ пӑтӑрмахсене пула ача-пӑча хӑрушсӑрлӑхӗн ыйтӑвӗсене уйрӑмах тимлӗх уйӑрнӑ. Прокуратурӑна шкулсене хӗҫ-пӑшаллӑ пусмӑртан тата вӗренекенсен пурнӑҫне кирек мӗнле хӑрушлӑхран та хӳтӗлессине уйрӑм тӗрӗслеве илме хушнӑ.
СВО условийӗсенче республика Пуҫлӑхӗ терроризмпа экстремизма, ҫавӑн пекех пилотсӑр аппаратсен атакисене хирӗҫ тӑни пӗлтерӗшлӗ пулнине палӑртнӑ. Вӑл ятарлă çар операцине хутшӑнакансен тата вӗсен ҫемйисен прависене хӳтӗленӗшӗн тав тунӑ, пӗрлехи ӗҫӗн пысӑк тухӑҫлӑхне упраса хӑварассине шаннӑ.

Сӑнӳкерчӗкĕ: glavarb.ru сайтран.

https://mgazeta.com/articles/vazhno/2026-02-12/habirov-prokuratura-bashkirii-podtverdila-status-glavnogo-garanta-zakonnosti-4575542