Пушкăртстанра Сарбай кÿллинче арçын путса вилнĕ

Пушкăртстанра Сарбай кÿллинче 37 çулхи арçын путса вилнĕ. Регионти Чрезвычайлă лару-тăру патшалăх комиетечĕ пĕлтернĕ тăрăх, инкек виçĕмкун каçхине Мияки районĕнчи Баязит ялĕ патĕнче пулса иртнĕ.

«Инкек пулнă вырăна аварипе çăлавçă службин çăлавçисем килсе çитнĕ тата путнă арçыннăн ÿтне шывран кăларнă», — пĕлтернĕ ведомствăра.

Васкавлă службăсенче шыв çинчи инкексем ытларах çыннăн хăйĕн айăпне пула, çын хăйне ытлашши хăюллă тытнине, хăйĕн вăйĕсене ытлашши шаннине, шыв çинче тытмалли ансат правилăсене пăхăнманнине пула пулнине аса илтереççĕ.

«Шыва кĕнĕ чух шыв çинчи тытмалли правилăсене пăхăнманни инкеклĕ пулăмсем тата вилĕм патне илсе çитерет», — тепĕр хут асăрхаттараççĕ çăлавçăсем.

«Башинформ» ИА.

Читайте нас: