Çутă çул
+17 °С
Пӗлӗтлӗ
Пур хыпар та
Пулса иртни
1 Октябрӗн 2019, 18:39

Пушкăртстанра хăратса укçа илекен сĕт фермин директорне икĕ хут хĕненĕ

Пушкăртстанра суд Пелепей районĕнчи 33 çулхи çын пирки приговор йышăннă, лешĕ Ермекей районĕнчи предпринимательтен хăратса укçа ыйтнă, икĕ хут ăна хĕненĕ. Прокуратура информацийĕ тăрăх, 2018 çулхи ноябрьте судпа айăпланакан фермăна килнĕ те укçа ыйтнă, çапăçнă.

Инкек курнă çын полицие заявлени çырса панă, уншăн ăна каллех хĕненĕ. Виççĕмĕш хутĕнче ферма ертÿçин тăванне çапкаласа пăрахнă. Уголовлă ĕç хускатнă пуçтах çын хирĕçĕве майлаштарма шутланă, ферма заведующин тăванĕпе калаçма шут тытнă, анчах ĕç мирлĕ вĕçленмен, каллех çапăçу кăрнă. Суд пуçтах çынна виçĕ çула ирĕкрен хăтарнă. Прокурорсем приговор ытла çемçе тесе ПР Верховнăй суда заявлени çырнă, çапла майпа çапăçкăç пĕтĕмĕшле режимла колонинче 3,5 çул ирттерет.

«Башинформ» ИА материалĕсем тăрăх.

Уçă çăлкуçсенчен илнĕ сăнÿкерчĕк.
Читайте нас: