Мунчара ҫапӑннӑ та юр ӑшне чӑмса арматура ҫине тӑрӑннӑ

Чăваш Енри Алманчӑ ялӗнче пӗр арҫын шар курнӑ. ЧР ШӖМӗ пӗлтернӗ тӑрӑх, 40 ҫулти арҫын кӑкӑрне суранлатнӑ.

Нарӑс уйӑхӗн 8-мӗшӗнче ҫакскер Алманчӑ ялӗнче пурӑнакан тӑванӗсем патӗнче хӑнара пулнӑ. Шӑматкун мунча кунӗ.

Хайхи арҫын мунчара ҫапӑннӑ хыҫҫӑн юр ҫинче уҫӑлма шутланӑ — кӗрт ӑшне сикнӗ те арматура ҫине тӑрӑннӑ. Арҫын юр айӗнче арматура пулнине пӗлмен ҫав.

Ӑна, кӑкӑр тӗлӗнчен суранланнӑскере, район больницине илсе кайнӑ.

#Патӑрьел районӗ, #Алманчӑ, #ШӖМ, #пульницӑсем