Хĕрарăмăн сылтăм аллине фарш пăтратакан машина çавăрттарса кĕрсе кайнă

«Давлекановский комбинат мясных полуфабрикатов» цехра ĕçлекенскер, 2019 çулхи декабрĕн 28-мĕшĕнче фарш пăтратакан машинăна çунă. Аш-какай çурмафабрикачĕ тăвакан хĕрарăм агрегатра юлнă какая аллипе илме уйланă, çав вăхăтра унпа пĕрле ĕçлекен тепĕр çынни агрегатăн управлени пульчĕ патĕнчине сăтăрнă. Автомат кинет ĕçлесе кайнă: шнексем çаврăнма пуçланине пула хĕрарăмăн сылтăм аллине çавăрттарса кĕрсе кайнă. Кăшкăрнине илтсен, иккĕмĕш хĕрарăмĕ оборудование чарнă, пĕрремĕш медицина пулăшăвĕ панă. Инкек курнăскере больницăна леçнĕ, унта сылтăм аллине нăкă суранлатнă тесе диагноз лартнă.

Тĕпчев вăхăтĕнче фарш пăтратакан машинăна электричествăран пĕтĕмпе сÿнтерменнине, çавăнпа механизм «кнопкăна» сăтăрнă вăхăтра ăнсăртран ĕçлесе кайнине палăртнă.

Ĕç сыхлав инструкцине пăсни куçкĕрет, çавăнпа та предприятинче ĕç хăрушсăрлăхĕшĕн яваплă çынсене административлă йĕркепе явап тыттарнă — штрафсем тÿлеттернĕ.

«Башинформ» ИА.