Çăлавçăсем вăрманта аташса кайнă арçынна тата 15 çулхи хĕрачана шыраççĕ

«Система-112» шăнкăравсене йышăнакан центра майăн 13-мĕшĕнчи каç Белокатай районĕнчи Ургала ялĕ çывăхĕнчи вăрманта Челябинск облаçĕн çыннисем — 1959 çулхи тата 1977 çулхи арçынсем тата 15 çулхи хĕрача — çухални çинчен пĕлтернĕ.

Малтанхи информаци тăрăх, вĕсем вăрмана черемша татма кайнă, унта пĕр-пĕрне çухатнă.

— Экстренлă службăна çухалнă арçынсенчен пĕрин арăмĕ шăнкăравланă. ПР ЧС патшалăх комитечĕн çăлавçисем, полици сотрудникĕсем, вырăнти халăх çийĕнчех вĕсене шырама тухса кайнă, — пĕлтернĕ ведомствăн пресс-службинче.

Халĕ арçынсенчен пĕри хăй вăрмантан тухнă, тепĕр арçынпа хĕрачана шыраççĕ-ха.

«Башинформ».

Читайте нас: