Пушкăртстанра пурӑнакан пӗр ватӑ хӗрарӑмӑн тумтирне кухньӑра хатӗрленӗ чухне вут хыпса илнĕ. ЧП сентябрӗн 18-мӗшӗнче Пишпӳлек районӗнчи Пишпӳлек ялӗнче пулса иртнӗ.

ПР ЦУР йĕркеленĕ тӳрӗ эфирта республикăри Раҫҫей МЧСĕн административлӑ практика тата дознани пайӗн начальникӗн ҫумӗ Петр Ильин пӗлтернӗ тӑрӑх, 80 ҫулхи хӗрарӑм газ плити ҫинче малти конфоркине чӗртнӗ те хыҫалта тӑракан кастрюль хыҫҫӑн туртӑннă. Пенсионерка ҫинчи тумтире вут хыпса илнĕ. Упăшкипе иккĕш вĕсем çулăма сÿнтернĕ, анчах хĕрарăм питĕ нăкă пиçсе пĕтнĕ. Ӑна Пишпÿлек район больницине илсе ҫитернӗ. Кайран шар курнӑ çынна Уфари центрне куҫарнӑ.

Шел пулин те, ĕнер, сентябрӗн 27-мӗшӗнче, хӗрарӑм сиплев учрежденинче вилнӗ.

МЧС пӗлтернӗ тӑрӑх, иртнӗ талӑк хушшинче республикӑра пушарта тӑватӑ ҫын вилнӗ. Сентябрь уйӑхӗнче пушара пула 29 ҫын инкек курнă.

Сăнÿкерчĕкĕ: ПР МЧС.

 «Башинформ» информацийĕпе.