Пушкăртстанра ГИБДД сотрудникĕсем отпуска каймалли вăхăтшăн çапăçса кайнă

Пушкӑртстанри Агидель хулинче ГИБДД икӗ аслӑ лейтенанчĕ ҫапӑҫнӑ, мӗншӗн тесен отпуск кунӗсем пӗр пек лекнĕ, никам та пӗр-пӗрне хаклӑ кану кунӗсене парасшӑн пулман. Telegram-SHOT канал пӗлтернӗ тӑрӑх, 36 ҫулхи инспектор çапăçура 32 ҫулти аслӑ инспектора темиҫе хутчен питĕнчен ҫапса янă, унтан ĕçрен кăларма ыйтса рапорт панă та тухса кайнă.

Официаллӑ йӗркепе ҫирӗплетмен даннӑйсем тӑрӑх, 36 ҫулхи право хуралçине ниҫта та тупаймаççĕ, вӑл ӗҫтешĕсемпе тӑванĕсем шӑнкӑравӗсем ҫине хуравламасть. Тепĕр ГИБДД сотрудникӗн  ÿтне кăвакартнине тата шыçнине пула сурансем пулнине диагноз лартнă. Пушкӑртстан ШĔМ пресс-службинче инцидента ăнлантарса панӑ.

"Пушкӑртстан МВД ертÿлĕхĕ тӗрӗслев ирттерме палӑртнӑ. Унӑн результачӗсем тӑрӑх тивӗҫлӗ решени йышӑнӗҫ", — пӗлтерчӗҫ ведомствӑра.

«Башинформ» ИА.