Автобуса сертификатсăр ларма хăтланнă

Пушкӑртстанра сертификатсӑр пӗр хӗрарӑма автобусран илсе тухса полици уйрӑмне илсе ҫитернӗ.

Инцидент ӗнер, октябрӗн 17-мӗшӗнче, Стерлитамакра пулса иртрӗ.

Полицие вокзал ӗҫченӗсенчен пассажир автобусне кайма чарни ҫинчен хыпар килнӗ. Вырӑна килнӗ полицейскисем ҫакна палӑртнӑ: хӗрарӑм Кумертау – Уфа автобусне ларасшăн пулнă, вӑл вакцинаци тунине ҫирӗплетекен документсемсӗр иртме хӑтланнӑ.

Аса илтеретпӗр, Пушкӑртстанра хуласем хушшинчи ҫулҫӳревсене сертификат пулсан ҫеҫ, COVID-2019 хирĕç вакцинаци туни çинчен сертификат е ултӑ уйӑх хушшинче коронавируспа чирлесе ирттернӗ справка пур чухне ҫеҫ ирӗк панӑ.

Хĕрарăм автобусран тухса кайма килӗшмен, ҫапла вара автобуса çула тухма чарса тӑнӑ. Автобусран хӗрарӑма ҫав-ҫавах илсе тухса полици уйрӑмне илсе кайнă, пулса иртнĕ ĕçе пӑхса тухнă.

ПР МВД информацийĕпе.

Сăнÿкерчĕкĕ: krasrab.ru