Пелепейри пенсионер суеҫӗсене «пенсие тепӗр хут шутланӑшӑн» 7,3 млн тенкӗ панӑ

Пелепейре 83 ҫулти ватă çын ултавҫӑсен кӑткӑс схемине пула шар курнӑ.
Малтан шар курнӑскере Пенси фончӗн суя ӗҫченӗ шӑнкӑравланӑ, «ҫӗнӗрен шутлама» код ыйтнӑ — пенсионер каланă. Унтан суя полицейскисем ӗҫе кӗнӗ: вӗсем перекет хӑрушлӑхра пулнине ӗнентернӗ, укҫана курьер урлӑ «хӑрушлӑхсӑр счет» ҫине куҫарма сӗннӗ. Арҫын курьерсене 7,3 млн тенкӗ ытла панӑ.
Банкра пысӑк сумма пирки ыйтусем ҫине вӑл: «Тепӗр банка лайӑх процентпа куҫарасшӑн», - тенӗ.
Ку ĕçпе РФ УК 159-мӗш статйипе («Мошенничество») уголовлӑ ӗҫ пуҫарнӑ.
Пушкӑртстанри МВД аса илтерет: чӑн-чӑн сотрудниксем нихӑҫан та СМСри кода ыйтмаҫҫӗ, «хӑрушлӑхсӑр счетсем» сӗнмеҫҫӗ, укҫа илме курьерсем ямаҫҫӗ. Кун пеккине илтрӗр пулсан — тӳрех трубкӑна хурӑр та официаллӑ номерпе хӑвӑр шӑнкӑравлӑр. Ҫак инструкцие ватӑ тӑванăрсемпе сӳтсе явӑр: вӗсем хӑрушлӑх зонинче.
https://mgazeta.com/articles/vazhno/2026-06-04/pensioner-iz-belebeya-otdal-lzhetsam-7-3-mln-rubley-za-pereraschyot-pensii-4710159