Социаллă пенсисем апрелĕн 1-мĕшĕнчен 6,1% ÿсеççĕ

Социаллă пенси илекенсем — страхлав пенсийĕ илме май паракан ĕç стажĕ ĕçлесе тултарайманнисем. Çакнашкал пенсисене Раççейре пенсионера 2019 çулта пурăнма кирлĕ минимума шута илсе индексацилеççĕ.

Индексацилеме пĕтĕмпе уйăхне 2,41 млрд тенкĕ пулать, çулталăк вĕçлениччен 21,7 млрд тенкĕ расхутлаççĕ.

Маларах Раççей Президенчĕ Владимир Путин Конституцие улшăнусем кĕртессипе ĕçлекен ушкăнпа тĕл пулнă чух пенсисене индексацилемелли нормăна РФ Конституцинче пăхса хăвармалла, тенĕ. «Патшалăх пенсисене индексацилеме тивĕçлĕ тесе çырса хăвармалла, çакна тăвассинчен пăрăнмалли нимĕнле шăтăк та ан юлтăр. Çакăн пирки эпĕ Послание вуланă чухне каласшанччĕ те», — çырать «Российская газета» Путин сăмахĕсене илсе.

«Башинформ» ИА материалĕсем тăрăх.