Коронавирус, малтан шухӑшланӑ пекех, экономикӑн пур отрасльне те пырса ҫапрӗ. Ҫавна тӗпе хурса ҫӗршыв Президенчӗ Владимир Путин социаллӑ пурнӑҫпа ҫыхӑннӑ хушма мерӑсем йышӑнасси пирки пӗлтернӗ. Ҫавсен шутӗнче ӗҫсӗрлӗх пособийӗпе ҫыхӑнни те пур. Ӗҫсӗррисене тӳлекен пособин чи пысӑк виҫи 8 пин тенкӗччӗ. Малашне ӑна 1,5 хута яхӑн ӳстерӗҫ.
Раҫҫей Ӗҫ тата социаллӑ хӳтлӗх министерстви пӗлтернӗ тӑрӑх, ҫӗнӗ йӗрке ака уйӑхӗнчен вӑя кӗрӗ.
Ӗҫсӗррисене тӳлекен пособи виҫи 12 пин те 130 тенкӗ (ку вӑл – пурӑнма кирлӗ чи пӗчӗк укҫа виҫи) пулӗ.
Пенси ҫулне ҫывхаракан ӗҫсӗр ҫынсене тӳлекен виҫе те ҫавӑн чухлех пулӗ. Хальлӗхе унӑн виҫи – 11 пин те 280 тенкӗ.