Коронавируса пула ĕçсĕр юлнисене ĕçсĕрлĕхпе тÿлекен чи пысăк пособи памалла

«Кăçалхи мартăн 1-мĕшĕ хыççăн ĕçсĕр юлнăран халăха ĕçпе тивĕçтерекен службăна пынисене апрельте, майра, июньте чи çÿллĕ планкăпа (ăна пысăклатассине пăхса тухнă ĕнтĕ) тÿлеме сĕнетĕп, тĕплĕнрех каласан, 12130 тенкĕ», — тенĕ патшалăх пуçлăхĕ.

Президент пособие дистанциллĕ йĕркепе тата май пур таран ансат та чăкăлтăшлă мар тумаллине уйрăм палăртса хăварнă.

«Халĕ çынсене бюрократи формальнăçĕсемпе пуçĕсене çавăрмалла мар, вĕсем инстанцисем тăрăх ан çÿреччĕр. Çавăнпа та правительствăна паспортăн, водитель правин, ытти документсен вăйра тăмалли срокне виçĕ уйăха та пулин автоматла тăсмалли механизма пăхса тухма ыйтатăп», — чарăнса тăнă Путин.

Кунсăр пуçне Раççей лидерĕ ачаллă çемьесене (енчен те ашшĕ е амăшĕ ĕçсĕр тăрса юлнă пулсан) пулăшмалли çĕнĕ уйрăм мерăсем пирки каланă. Çакнашкал çемьесене, ĕçсĕрлĕхпе паракан пособисĕр тата ытти тÿлевсемсĕр пуçне çывăх виçĕ уйăх тăршшĕнче çул çитмен ÿсĕмри кашни ача пуçне 3 пиншер тенкĕ хушма тÿлемелле.