Владимир Путин çемьесене мĕнле пулăшу парасси пирки пĕлтернĕ

Кашни çул çитмен ачашăн, çемье тупăшне шута илмесĕр, 10-шар пин тенкĕ тÿлĕç. Ашшĕ-амăшĕ е опекунĕсем электрон майпа заявлени памалла. Çапла майпа, çак пулăшăва Раççейре пурăнакан 27 млн ача илĕ. Тата çемьере 3 çул тултарман ачасем пулсан (ача амăш капиталĕ пуррипе çуккинчен килмест), вĕсем 5-шер пин тенкĕ илĕç (апрельтен пуçласа июньччен). Кунсăр пуçне, сахал тупăшлă çемьесене 3 çултан пуçласа 7 çулчченхи ачасемшĕн пурăнмалли минимумăн ½ пайне тÿлĕç (июнĕн 1-мĕшĕнчен пуçласа — малтанхи уйăхсемшĕн пĕр хут, вăтамран кашни ачана 33000 тенкĕ, кайран — кашни уйăхра) тата енчен те çемьере ашшĕ е амăшĕ ĕçсĕр юлнă пулсан кашни çул çитмен ачана 3-шер пин тенкĕ (апрельтен пуçласа июньччен). Тата ача-пăча пособине икĕ хут ÿстернĕ.

«Башинформ» ИА материалĕсем тăрăх.