Мерăсем социаллă ушкăнсене тивеççĕ

Кунта виçĕ çулчченхи ачасене хушма тÿлевсем пани, ача пăхнăшăн паракан пособи виçине икĕ хут пысăклатни, июнĕн 1-мĕшĕнчен виçĕ çултан пуçласа 16 çул тултаричченхи ÿсĕмри ача пуçне 10 пин тенкĕ пулăшса тÿлени кĕреççĕ. «Çакă вăл чĕрĕ укçа, паян вăл çемьесене питĕ кирлĕ», — тенĕ Федераци Совечĕн пуçлăхĕ Валентина Матвиенко.

Ун шучĕпе Раççей хальхи вăхăтра социаллă патшалăх пек аталанать. Çакна Конституцинче те çирĕплетсе хăвараççĕ. Чикĕленисене тапхăр-тапхăрпа пăрахăçланă хыççăн Раççей экономикине туллин çĕнĕрен ĕçлеттерсе ямалла. Предприятисене хупăнма памалла мар, ĕçсĕррисен шутне пысăкланма памалла мар.

— Кунта Владимир Путин сĕннĕ пулăшу мерисем питĕ вырăнлă пулмалла, чи малтан, вак тата вăтам бизнеса пулăшни. Ĕç укçи кредичĕсем, налук çăмăллăхĕсем, самозанятăйсене налука тавăрса пани…

Алă пуснă Указсем Федераци субъекчĕсен пуçлăхĕсене инфекцие хирĕç кĕрешме çителĕклĕ полномочисем панине, эпидеми палăрăмĕсем регионсен экономикине кÿнĕ сиене минимизацилеме полномочисем кăна мар, пурлăх ресурсĕсем те илнине, федеративлă центр пур енĕпе те пулăшнине палăртса хăварнă.

МИХ материалĕсем тăрăх.