2021 ҫулхи январь-сентябрьте Пушкăртстанра 470 атте "декрета" кайнӑ

Паян Раҫҫейре, октябрӗн виҫҫӗмӗш вырсарникунĕнче, Атте кунне паллӑ тӑваҫҫӗ. Датăна кӑҫалхи октябрь уйӑхӗнче йӗркеленӗ.
Пушкӑртстанра пӗлтӗрех обществӑн тивӗҫлӗ членӗсене пӑхса ӳстернӗ ашшӗ-амӑшӗсене хавхалантарас тесе "Ашшӗсен паттӑрлӑхӗ" общество наградине йӗркелерӗҫ.
Республикӑра кӑҫалхи тӑхӑр уйӑх хушшинче ачана пӑхмалли отпуска 37 620 ӗҫлекен хӗрарӑм (уйăхне вӑтамран 4180 "декретница") тата 470 ӗҫлекен арҫын (уйăхне вӑтам шайра 52 ҫын) кайнă. Кун пирки ФСС регион уйрӑмӗнче пӗлтернӗ, кунта 2020 ҫулхи июлӗн 1-мӗшӗнчен пуҫласа тӳрӗ тӳлевсем йӗркелеҫҫӗ.
2020 ҫулӑн иккӗмӗш ҫур ҫулӗнче "декрета" 33 514 хӗрарӑм тата 380 арҫын кайнӑ (вӑтамран уйӑхра 63 арҫын тата 5585 хӗрарӑм).
ПР ФССра официаллӑ майпа ӗҫе вырнаҫтарнӑ ача пăхма отпуска кайма пособи илме ирӗк пуррисен шутне амӑшӗ, ашшӗ, асламӑшӗ (кукамăшĕ), аслашшӗ (кукашшĕ) кĕнине аса илтерчӗҫ. Пособи виçине юлашки икӗ ҫул хушшинчи вӑтам ӗҫ укҫин 40 процент чухлĕ шутланать. 2021 ҫулта кашни уйăхра тÿлекен пособин чи пысăк виçи 29,6 пин тенкĕ пулнă, чи пĕчĕкки — 8,14 пин тенкĕ.
"Башинформ" информацийĕпе.